Program Pangembangan Kabudayaan

Bèntang Akademi Lagu Sunda

Bèntang Akademi Lagu Sunda mangrupa rohangan apresiasi pikeun masarakat umum di Kabupatèn Tasikmalaya. Ngaliwatan runtuyan audisi, pelatihan, jeung final, program ieu nguniangkeun deui kareueus makè basa Sunda ngaliwatan karya musik moderen.

Daptar Peserta Teuleuman Program

Oktober – Desember 2025

Kabupatèn Tasikmalaya

Masarakat umum

Program Pokok

Ngajaga Basa Sunda Ngaliwatan Musik

Ngalestarikeun kasenian tradisional ku ngalibetkeun masarakat daerah liwat Bèntang Akademi Lagu Sunda jeung kolaborasi album kompilasi. Program ieu mangrupakeun bagèan tina tarèkah ngamajukeun bahasa sunda di Kabupaten Tasikmalaya.

Gambaran Umum

Kasang Tukang Program

Helaran Bèntang Akademi Lagu Sunda mangrupakeun bagian tina tarèkah nyalametkeun objèk pemajuan kabudayaan numutkeun amanat Undang-Undang Nomor 5 Taun 2017. Arus tèknologi jeung globalisasi ngajadikeun budaya luar gampang asup, sedengkeun makè basa Sunda dina kahirupan sapopoè, utamana dina karya musik modèren, beuki ngurangan.

Ngaliwatan Bèntang Akademi Lagu Sunda jeung kolaborasi album kompilasi, program ieu ngahudangkeun deui nilai budaya daerah. Masarakat diajak nga-ekspresikeun diri, ngawangun kareueus, bari ngalegaan pangaweruh ngeunaan kabeungharan basa sunda.

Naha Penting

Alesan Kagiatan Dilaksanakeun

Loba budaya sunda nu laas ku jaman, diantarana bahasa, nu matak kudu aya rohang èkspresi anyar anu bisa luyu pikeun ngigelan jaman.
Teu saeutik jalma nu can bisa mernahkeun basa sunda dina widang karya seni moderen; kagiatan ieu jadi cukang pikeun nganteur kabiasaan èta. Bisa sabab biasa. Miindung kawaktu, mibapa ka jaman.

Maksud & Tujuan

Fokus Program Taun 2025

Ngarojong minat generasi sangkan ngarti kana objèk pemajuan kabudayaan basa Sunda husus na di Kabupaten Tasikmalaya.
Ngaronjatkeun undak usuk basa, dina kahirupan sapopoè. hususna ngaliwatan musik jeung lagu.
Ngaronjatkeun èlmu jeung minat generasi kana objèk pemajuan kabudayaan daerah.

Metode jeung Tahapan Kagiatan

Audisi di 5 Titik

Milih talenta di sabudeureun Kabupatèn Tasikmalaya ngaliwatan audisi langsung di lima wilayah pikeun ngajamin kasempetan nu sarua.

Latihan Bareng Pangajèn/coach

Peserta anu lulus audisi meunang elmu matèri jeung palatihan tèknik vokal ogè interpretasi lagu Sunda ti narasumber nu kompetèn.

Final

Peserta piunggul bakal tampil di Babak Final, meunangkeun hadiah jeung kasempetan jang miluan produksi album kompilasi lagu basa Sunda minangka dokumentasi budaya.

Tahapan Pangrojong

Pendaftaran Peserta ku ngeusian formulir jeung milih tempat audisi ngaliwatan website ieu.
Pelaksanaan kagiatan inti nurutkeun jadwal jeung titik audisi.
Karantina jeung Final 30 piunggul hasil audisi

Geus Siap Miluan?

Daptarkeun Diri di Bèntang Akademi Lagu Sunda

Eusian formulir sing lengkep. Pilih jeung siapkeun lagu Sunda nu rek dibawakeun dina audisi, lengkepan dokumen administrasi, sarta jadi bagian tina gerakan panglestarian basa sunda di Kab. Tasikmalaya.

Daptar Didieu

Subscribe To Newsletter